Në këtë sesion do të trajtohen tema lidhur me investimet në patundëshmëri, cilat janë praktikat me të mira për investimin tuaj në patundëshmëri, në tregun e Kosovës? Si mund të bleni, financoni banesën apo shtëpin tuaj në Kosovë? Kush janë akterët kryesorë të patundëshmërisë në Kosovë dhe qështje tjera lidhur me financimin dhe investimin në patundëshmëri.

Remitancat përbëjnë prurjen më të madhe në ekonominë shqiptare dhe kosovare, duke lënë pas investime të huaja direkte dhe eksporte. Ato kanë qenë një fluks financiar i qëndrueshëm dhe i sigurt në ekonominë shqiptare për vite me rradhë. Remitancat janë një burim i të ardhurave për më shumë se 1/4 e familjeve shqiptare. Sidoqoftë, shumica e këtyre parave shkojnë për konsum dhe kanë një ndikim shumë të ulët në zhvillimin social-ekonomik. Gjithashtu, duke pasur parasysh dinamikën e komuniteteve të diasporës është normale të presim një rënie të dërgesave të parave gjatë viteve. Prandaj, duhet të mendojmë për të ardhmen e Remitancave nga perspektiva e Diasporës Shqiptare, si dhe nga vendet e origjinës.

**Biseda e përqëndruar do të mbahet në gjihën angleze, por do të ofrohet përkthim në gjuhën shqipe.

Si mund të lehtësojmë një „Brain Gain“ (transferimi i njohurive dhe shkathtësive) nga Diaspora në vendet amë?; Cilat mundësi i ofron digjitalizimi për tu angazhuar në gjithë botën?; Ku është potenciali, cilat masa duhet të zbatohen dhe cilat lloje të programeve të migrimit rrethor duhet të ekzistojnë për të mundësuar kthimin afatshkurtër dhe afatgjatë në vendet amë?; Si mund të krijojnë investorët dhe bizneset më shumë vende pune dhe si mund të ridrejtohen remitancat në investime direkte të huaja për sektorët më të ndjeshëm (edukimi, bujqësia etc.)?; Çfarë roli aktiv duhet të luajnë Diaspora, institucionet shtetëror dhe donatorët kombëtarë?

Diaspora shqiptare shpesh ka qenë epiqendra e iniciativave që kanë pasur një ndikim të madh në zhvillimin e Kosovës. Flukset e kapitalit të Diasporës kanë qenë, dhe ka të ngjarë të mbesin, një faktor përcaktues, veçanërisht në lidhje me dërgesat e parave në Kosovë për mirëqenien e familjeve, investimet individuale dhe zhvillimin.
Por çfarë kemi ofruar prapa?
Për Diasporën tonë, studimi në RIT Kosovë (Universiteti Amerikan në Kosovë) jep rehati për të qenë pranë anëtarëve të familjes së tyre të gjerë në këtë pjesë të botës, të shijojnë kulturën e paraardhësve të tyre, ushqimin e freskët, të mësojnë ose të përforcojnë gjuhën dhe akoma merrin një diplomë amerikane të akredituar dhe të njohur në të gjithë botën, të dhënë nga Instituti i Teknologjisë Rochester (RIT) nga New York. E gjithë kjo, për një pjesë të kostos që do të ishte ndryshe në Shtetet e Bashkuara.
Paneli i kësaj konference do të shfaqë një diskutim interaktiv me anëtarët e konferencës, qofshin studentë të mundshëm, prindër apo entuziastë të arsimit të mirëfilltë në lidhje me përfitimet e marrjes së një Edukimi dhe Diplome Amerikane në Kosovë.

Programi Migracioni dhe Diaspora është një program i mandatuar nga Ministria Federale Gjermane për Bashkëpunimin Ekonomik e Zhvillim (BMZ). Ai zbatohet nga Agjencia Gjermane për Bashkëpunimin Ndërkombëtar (GIZ). Që në 1980, programi kombinon ekspertizat për zhvillim të qëndrueshëm dhe tregjet e punës. Grupet e synuara të këtij programi janë anëtarët e diasporës shqiptare në Gjermani, që kanë përfunduar një shkollim profesional apo akademik në Gjemani ose në një vend të OECD-së dhe/ose kanë mbledhur përvojë pune në profesion dhe dëshirojnë të angazhohen në mënyrë afatshkurtër apo afatgjatë në Shqipëri dhe Kosovë, me qëllim transferimin e njohurive për zhvillim.
Në kuadër të Konferencës “Diaspora Flet”, Paneli “Shfrytëzim i potencialit – promovim i zhvillimit” do të mundësojë bashkëndarjen e eksperiencave të angazhimit si Profesionistë të Kthyer dhe Ekspertë të Diasporës, përmes Programit Global të GIZ “Migracioni dhe Diaspora”, në institucionet publike, akademike dhe organizatat e shoqërise civile, duke kontribuar në zhvillimin social-ekonomik në Shqipëri dhe Kosovë.

Bisedat inspiruese do të përbëhen nga video 5 minutëshe nga njerëz me ide kreative dhe histori suksesi që ndërlidhen me diasporën. Pas të gjitha prezantimeve, do të stimulohet diskutim dhe bashkëpunim - folësit do të jenë të hapur për pyetje dhe përgjigje nga pjesëmarrësit.

Sistemi shëndetësor ka nevojë për mbështetje dhe njohuri teknike, dhe përveç kësaj ka nevojë për fonde shtesë të investuara nëpër departamente. COVID-19 ka krijuar një pasqyrë më të mirë të asaj që duhet bërë në një periudhë afatshkurtër dhe afatgjatë. Në këtë kontekst, duke ditur që një numër i madh profesionistësh dhe praktikuesish të kujdesit shëndetësor po migrojnë nga vendet e origjinës, ne duam të lundrojmë dhe të kuptojmë se cilat janë disa nga favoret dhe disfavoret e angazhimit të profesionistëve të diasporës në këtë sektor të veçantë? Përtej aftësive të tyre në terren, a mund të jetë diaspora një pikë hyrëse për mësimet e marra nga vendet e tjera, për njohuritë dhe rrjetet e reja? Deri në çfarë mase i kemi shfrytëzuar platformat ekzistuese të profesionistëve të kujdesit shëndetësor me origjinë shqiptare deri më tani?

Gjuha Shqipe ka luajtur nje rol shume të rëndësishëm historikisht në mirëmbajtjen e identitetit kulturor dhe etnik të shqiptarëve në diasporë. Por, evoluimi i komuniteteve në diasporë ka bërë që mësimi i gjuhës shqipe të mos ketë vëmendjen e duhur, edhe si pasojë e ekspozimit ndaj kulturave të huaja të gjeneratave të dyta dhe të treta të shqiptarëve jashtë vendit. Ndërkohë, në vendet amë gjuha standarde shqipe është subjekt i ndryshimeve si pasojë e sistemeve të dobëta arsimore. Prandaj, është e rëndësishme të shihet trashëgimia gjuhësore dhe rëndesia e gjuhës shqipe në ruajtjen e identitetit kombëtar në kohën kur globalizmi po shkrin identitete. Ky panel vjen në një kohë dhe datë që shënon 112 vjetorin e Kongresit të Manastirit (1908), kur u standardizua Alfabeti i Gjuhës Shqipe.

Aktivitetet kulturore në diasporë janë po aq të vjetra sa edhe vetë emigrimi dhe vendosja e bashkëkombasve tanë në vende të ndryshme të botës. Derisa në shumë sfera diaspora ka bërë një transformim dhe zhvillim të dukshëm, aktivitetet kulturore duket se nuk e kanë mbajtur këtë hap. Edhe në vitin e 20-të të Shekullit 21, shumica e aktiviteteve kulturore sillen rreth festave kombëtare, në regji të shoqatave kulturore e me protagonistë kryesisht të estradës shqiptare. A është me të vërtetë kjo e gjitha çka mund ti ofrojmë bashkëatdhetarëve në diasporë? Çka duhet ndryshuar për tu sjellur më afër kulturën e mirëfilltë shqiptare gjeneratave të reja që kanë lindur dhe po rriten në diasporë? Cilat janë mundësitë e kulturës dhe artit si urë lidhëse e diasporës me vendlindje dhe anasjelltas? Cili është roli i shoqatave të diasporës në promovimn e kulturës shqiptare në vendet e tyre? Fatmirësisht ka edhe shembuj shumë të mirë të një qasjeje krejt ndryshe të organizimit të disa shoqatave kulturore. Cili është koncepti i këtyre shoqatave? Çka mund të mësojnë shoqatat nga përvoja e njëri tjetrit? Sa dhe si mund të ndihmojnë artistët tanë? Për këto dhe pyetje tjera do të biesdojmë me përfaqësues shoqatash dhe artistë nga diaspora.

Përvoja e Germin tregon se anëtarët e komunitetit të diasporës priren të jenë më entuziastë dhe të kenë një botëkuptim kryesisht optimist. Për më tepër, ata tentojnë ta shohin Kosovën dhe Shqipërinë si një "tokë mundësish" - sipas mendimit të tyre, mungesa e shërbimeve dhe kapaciteteve ekzistuese do të thotë se ka vend për individët për të krijuar zgjidhje nga e para. Mundësi të tilla mund të jenë më pak të përhapura në komunitetet e tyre, për shkak të një niveli të caktuar të zhvillimit shoqëror dhe ekonomik. Nga ana tjetër, të rinjtë në komunitetet e prekshme në Kosovë dhe Shqipëri, shpesh përqafojnë një pamje më pesimiste të botës përreth tyre dhe janë skeptikë për potencialin e tyre për të ndryshuar gjërat për të mirë. Prandaj, sjellja e tyre në një udhëtim bashkë-krijimi mund të jetë e dobishme në drejtim të rimendimit të atdheut dhe mënyrave në të cilat ne ushqejmë dhe krijojmë një hapësirë ku të gjithë lulëzojnë. Si mund të luajë një rol të rinjtë në këtë udhëtim? Kush është përgjegjës për ndërtimin e një mekanizmi që siguron takime zyrtare dhe joformale midis diasporës dhe grupeve të të rinjve në vendet amë? Çfarë është bërë deri më tani? A janë të rinjtë të interesuar të përfshihen në procesin e bashkë-krijimit? Cilat janë sfidat dhe mundësitë me të cilat përballen të rinjtë shqiptarë në të gjithë globin?